حلال السعدون

[رعد]

السلام عليكم ورحمة الله
اراد الله اني اروح الرياض قبل كما يوم وانا مخطط اني امر واشوف حلال السعدون على دربي بعد ما اخذت الوصف من واحد من الجماعة . وصلت عند الحلال عقب العصر حول الساعة خمس ودخلت مخيم السعدون ولقيت العمال واسمحولي اشوف الشياه ولا سبحان اللي صورهن ( والله اني خفت عليهن من نفسى ) الله يبارك للسعدون .وقمت اذكر الله عليهن وانا كل ما ناظرت وحده قلت ازين من اللي قبله.
اذن المغرب وانا ما ادري عن الوقت وعيوني طايره بهالحلال النادر بالعالم كله .والله لولا الحيا اني مكلم السعدون وقايلنله اني ابمرح عند الحلال.
وانا انصح اللي يبون يشرون حلال لا يشرون قبل ما يشوفون حلال السعدون .
والسلام عليكم

[محايد]

أخي الكريم رعد

أشكرك على الإطراء الجميل والشهادة التي نفتخر بها وكم كنت أتمنى أن تقابل ابوعبدالله السعدون حتى نحتفي بك.....


دمت بود...

[الساهر]

كلامك وافي اخي رعد عزالله ان الواحد اذا زار ابو عبدالله وشاف حلاله انه يهلوس ويقول ماعندي حلال الله يبارك لهرجال الطيب فيه .
والرجال يحرجك كثير برحابت الصدر والبتسامه الحلوه والحلال الزين بعد الي يشرح الصدر

[خلف المطيري]

لكل مجتهد نصيب

والسعدون هاوي نجد ولديه امكانيه ماديه ومعنويه كبيره

ولديه كذلك نظره ثاقبه في النجد

وضف الى ذلك ترحيبه وحسن تعامله مع اخوانه المربين

وهذا ماجعله بالقمه

نتمنى له التوفيق

[ديمان]

اشوا يارعد ما قلت مثل اللي سبقك لا تعدى ؟؟؟؟؟؟؟ تندم قلت لا تشترون الا بعد ما تشوفون حلال السعدون مع اني اجزم ان السعدون والله مايدري ولا يشوف للبيع لانه ماهوب بحاجة الفلوس ((والحلال اللي يبي احد يسوقه لا يهمك اذا ما سّوق نفسه)) هذا ما يبدو لي .... ترى به ناس عندهم حلال ..صح يفوقهم السعدون بحلاله والكم الكبير بالزين وكثرة انتاجه للزين وانتاجه للفحول خاصةً لكن نقول هه ونقول لا للاحتكار ياخي رعد عط سداح فرصه

[أحب النجد]

بكل بساطة اظم صوتي لصوت الخ ( رعــــــــــــد )

[الفارس الملثم]

السلام عليكم ورحمة الله وبركاته وبعد :

مشاء الله تبارك الله ............

يستاهل ابو عبدالله

اخير :
اتمنى التوفيق للجميع

في امان الله

[الصافي]

الأخ رعد
أشهد بالله أنك لم تقل إلا الحق . واضيف على قولك أن من اراد أن يحكم على مستوى حلاله لا يحكم إلا بعد مشاهدت حلال السعدون وعقد المقارنة .
مع التقدير للجميع

[بن مرشد]

انا حلال السعدون طيب بالحيل ولي يشوف حلال السعدون يعاف حلاله.....
والله يبارك للجميع ويرزقهم بجهدهم كما رزق غيرهم......