ابي رايـــــــــــــــــــــكم

[عز الرفيق]

السلام عليكم ورحمه الله وبركاته
اخواني انا ناوي انشاء الله ان اشتر ى لي خلفه
ابي منكم النصيحه وش الخلفه الي اكثر حليب هل هي المجهم او الحمرا
وهل يكفي لها ربطة برسيم يومي او تطلب الزياده وهل مع البرسيم شعير اوبس برسيم فقط

[هاوي^السود]

اكرم الحلال يكرمك وبخصوص اي اكثر حليب انا اعتقد المجهم

تحياتي لك

اخوك ابو سعود العازمي

[بدون مجامله]

اخوي عز الرفيق المجهم اكثر حليب من المغتر والمغتر اهي الوضحاء والشعلا والصفراء وفيه بعد حمراء مغاتير اللي مثايلها نفس الشعلا والصفراء والوضحاء في البوره والظهر ورق اللحم وصيغت الراس وفيه حمراء مجاهيم وصفراء مجاهيم المجهم ماتنطبق علي السوداء فقط تنطبق علي مثايل الناقه وثوبها المجهم فيه صهباء وفيه سوداء غرابيه وفيه صفراء وفيه حمراء وفيه زرقاء بس المجهم اكثر حليب وبالنسبه للعلف انا اقول لاصار ناقه وحده وفي جاخور ماتأكل شي واذا تبي التوفير حط لها لفت رودس كبيره تأخذها ب15 د.ك تقعد فيها شهر ونص واخذ لها شوار المركز مال الابل ابو 30 كيلو وحط لها قوس الطاسه رقم 7 ونقعه بشوي ماء وعطاها كل عصر اوفر من البرسيم كل يوم تأكل ربطه او اقل شوي والبرسيم غالي هنيه وعسي الله يوفقك تقبل مروري اخوك /بدون مجامله

[راعي خنوف]

عليك بالمجهم اللي ديدها كنه قرطاس هش ووثنه ويازينها لاصارت بكر

ومن ناحية الحلاوه بالحليب عليك بالحمراء الخواره حليبها واجد وحلوو


بس شووف اذا انت حلاب وتبيها منيح ماعليك من الشكل اهم شي الناقه الوثنه والديد السلم الهش اللي خلفها الواحد مقبض يد

حنا عازلين خلفه بمزرعه صارلها تقريبا 8شهور الحين بنتها مفروده من يومها مصغر الى يومنا هذا ماتاكل الا برسيم بس .... الناقه مجهم ام ثاني وتملى لها سطلن لحالها وحليبها سكر والناقه سمين سمين وبنتها سمين بعد وزاينه على البرسيم ماشاء الله


هذا والله اعلم

[بدون مجاملات]

عليك بصغر السن والهداوه وزين الديد
وترا الرودس مايمدحونه للحليب برسيم وبس

[حوران]

وش برسيم وبس !!!

بتهلكون الناقة حوار يمصها وراعي يحلبها والعلف برسيم وبس !!!


البرسيم مدرار للحليب لكن مهوب وجبة اساسية لازم مع البرسيم شعير أو شوار

ولا انصح بالشوار مادامك تبي حليب لأن الشوار فيه مواد كيميائية قد تضر

عليك بالبرسيم والشعير احسن علف

أما الرودس حشو بطن مامنه أي فايدة غذائية للناقة

للمعلومة : الناقة المجهم صحيح اكثر حليب لكن المغتر ألذ واطعم حليب وإن قل

وفي مغاتير حليبها واجد لكن خذها قاعدة دايما ً الناقة اللي حليبها قليل يكون حليبها أحلى وأكثر تركيز

وعليك بالبكر حمرا مغاتير هذا رأيي المتواضع

[راعي خنوف]

حوران
مجهم ام ثاني بنتها تمصها وتحلب يوميااااااااااااا

صارلها من اول القيض الى يومنا هذا ماتذوق الا برسيم وهي سمين ماتسير من الشحم وبنتها سمين

واذا مو مصدق ولا ناقد على كلامي حسب ماكتبت مرني في العزبه واوريك الناقه وبنتها عازلينها لحالها من اول القيض وعشيتهم برسيم


راعي خنوف

[عز الرفيق]

الله ليهينكم علي المشوره الطيبه وبشركم جاني بكر هدو من وحد من اصحاب الشايب وعسا فيها بركه انشاء الله

[حمود فالح الحسيني]

عليك بالمجهم وخصوصا الابكار حليبها اطيب