طق ومات؟؟؟؟

[عثمان السبيعي]

يا إخوان مات عندي تيس عمره 3شهور ولا أدري وش السبب (( طبعا الأعمار بيد الله ))
وهو إنه أمس وش حليله يلعب ومستانس حيل لكن يوم أصبحت اليوم ألا وهو ميت بدون إحم ولا دستور ومنتفخ وراحٍ وش كبره تقول برميل؟
وقبل 4شهور عندي طلي نفس الشيء طريقة موته؟

مع العلم إني قايم بالتطعيمات وعناية فندق خمسة نجووووووووووم يعني التيس واكل شارب نايم
وألا موته سالفة اللي يقول طق ومات يعني وقف يومه

السؤال : إذا كان أحد عنده مثل ذا الحالة وعرف سببها يقولي وأحب على راسه؟
والله يعوضنا ويعوضكم خير

[هشال]

السلام عليكم



اخي عثمان يقولون ...مايحسد المال إلا اصحابه
اقراء على غنمك والله اعلم

[سليم]

ههههههههههههههههههههههه
الاخ عثمان حفظة الله
طبعا بدايتا يعوض عليك رب العالمين بكل خير
هذا في الغالب بكون سببه تضخم بالمرارة
وما عليك الا ان تفتح بطنه وتتاكد من هذا الاشي
وبعدها اعمل الطعم اللازم
وانشاء الله بتتعوض

[aamz]

اعتقدوالله اعلم
اذا مافيه شي ظاهر عندك مرض او شئ
يكون لقصه داب 0 عقرب او ثعبان )
رش الحضيره ( نوره ، اخت الجبس )
وكمان رش ديزل حول الحضيره
ولك تحياتي والله يعوض علينا وعليك
ابو عبدالمجيد ، جده 0505692834

[أبو فهد]

اضم صوتي للاخ
اظن انه مقروص من داب اوعقرب والدليل انتفاخ التيس

[بلاحدود]

الله يخلف عليك بخير منه
انا كلامي مثل الأخوان انتبه من القوارص
وفيه شي اخر بعد
الخشاش(الخنفسان) هذا سم قاتل ولو ياكله بعير ذبحه ب5دقايق ويسبب انتفاخ بالبطن
وعند الشعير (يمكن مكثر اكل وجا بشمه) حط جميع الأحتمالات واحرص

[الفلته]

الأخ عثمان السبيعي

أضم صوتي للأخ أبو عبدالمجيد الشياب يقولون أن الدابة المقروصة قرصة داب تنتفخ بطنها بشكل واضح.

احرص على تنظيف المكان ورش الديزل حول الحظيرة وفي كل مكان محتمل ان يختبئ فيه الثعابين والعقارب.

وكرر الرش كل أسبوعين.

[على نار]

اخوي عثمان الظاهر ان عندك تسمم معوي والشي الثاني انك لازم تطعم ضد الحمى القلاعيه واما قصة النفخ فهم من حراره الجو واما بالنسبه لانك عنايه 5نجوم فانصحك ان تعيد الكره في التطعيم . والله يعوض عليك.