عرض الفحل البارجه في مزاد الوطري وعدد من إنتاجه

[ماجد فالح العتيبـي]

السلام عليكم ورحمة الله وبركاته

سيتم بإذن الله تعالى عرض الفحل البارجه وعدد من إنتاجه في مزاد الوطري ليوم الثلاثاء القادم تاريخ 20/12/2005 الموافق 18 ذي القعده 1426 0وهذه صوره أخرى للي ماشاف البارجه


http://www.lahdah.net/uploads/36c36805a7.jpg (http://www.lahdah.net)

هذه صوره من إنتاجه وهو جفر اسمه المذهل الأم المذهله ام جدايل

http://www.lahdah.net/uploads/a0f9ebdcee.jpg (http://www.lahdah.net)

[الراعي]

اخي العزيز دايمن معودنا على الشي الزينوالله يباركلك فيه ولا تبخل علينا بالصور الحلوه وقول للابواسامه يترك عنه السوريات ويهتم بالعارضيات ازيله ولا بنمسكه ونربطه :D

[خلف المطيري]

راعي البارجه

الفحل ماشالله عليه ( جرم ) ( وشعره ) ( وارتكاز مع طول الرقبه ) ( فرسن ) ( ورباش )

ماعليه كلام ومدعم بالانتاج الطيب

الله يبارك لك في حلالك

تحياتي

[فـتـى ثـقـيـف]

ماشاء الله اخوي البارجه فحل طيب
الله يرزقك منه الحلال الطيب وان شاء الله ننتظر يوم المزاد حتى نشوف كم توصل قيمته وقيمه انتاجه
ونحن بأنتظار المزيد
وأما من ناحيه اخوي الراعي يوم بيربط ابو اسامه فحنا بنربطه بس بطريقتنا بنروح له كلنا اعضاء المنتدى ونحشرة ثلاث ايام ضيافه الضيف ويذبح لنا أول يوم مشاكـس هههههههههههههههههههههههههههههههه

[الراعي]

يافتى ثقيف جعل البارجه ينطحك دايم ونت شري ياحفيد الحجاج لاكن الله يحييكم عين فراش وعين لحاف والله يحييكم مافيه اعزمنكم احد عندي :mad:

[أبو أسامة]

اولاً السلام عليكم ورحمة الله وبركاته

ثانياً : الله يسامحكم جميعاً ولو ماني عارف نياتكم عرفت وشلون أرد عليكم
أولاً : يالراعي الرجال ماتربط لاكن أنا أعرفك زين وعرف مقصدك والله يسامحك
ثالثاً :يافتى ثقيف بدل ماترد على الراعي وتقوله أن أبو أسامه ماهو من إلي يربطون تروح تقوله نروح نذبح له مشاكس حنا مانذبح التيوس تعرف وش نذبح ونعرف وش نذبح لرجال لكن الله يسامح الجميع منكم ونتمى أنرى مشاركات هادفه نافعه بإذن الله ولكم مني جزيل الشكر على هذه المشاكسات .

[فـتـى ثـقـيـف]

ابو اسامة احنا بيت واحد واسرة واحده مو مجرد موقع بنسبه لنا
فمزح الاهل مع بعض الاخ مع اخوة ولاب مع ابنه ما أعتقد يكون فيها حساسيات لأن القلوب صافيه .... وهم انا اعرف انك بردك تمزح معنا
فلنعمل ولنتعلم وهم نشاكس
هههههههههههههههه بس برضه مافي فكه لازم نسير عليك بيوم من الأيام :)

[الراعي]

دستور ياهل الهوى وفتى ثقيف اليوم ناوي نيه ترا ابو اسامه زعلان علي عشاني واعته بعد العصر ولا جيته لاكن هو اخونا الكبير ويدمح الزله وبشرك ولدت عندي اليوم عارضيتين عقبال عندكم ههههههههههههه وبكره مواعدني رجال بيوريني فحل يقول انه مسكت والله يستر من خويي اعرف انه مايفرق بين العنز والسيكل وبعلمكم بكره وش السالفه بعد ماشوف الفحل الي يقول عليه :D

[أبو أسامة]

الأخ فتى ثقيف والأخ العزيز الراعي من أسعد أيامي أن كون معكم كأننا في مجلس واحد في بيت واحد تحت مضلة واحده يجمعنا الود والمحبه وبمثلكم ومبثل أخلاقكم العاليه ترتقي الأمم .

لكن ماشالله على الراعي سبقنا بالإنتاج عقبالي وعقبالك يافتى ثقيف تتنج فحولنا وترى من الضروري أن نرى إنتاج الراعي ولا نزعل عليه فعلاً . ومن الضروري أن أراكم ضيوفاً علي وهذا مما يسعد القلب ويسر العين رأياكم لأن مثلكم مكسب ومعرفة الرجال شرواكم غنيمه مثل مايقولون