سؤال اقتصادي ارجو المساعده

[قلب الاسد]

السلام عليكم يا هل العرف تكفون
عتدي سؤال واريد منكم اجابه
الله يسلمكم اريد اسس قطيع من الجمال في خدود 20 راس مع الفحل
فكم فحل اشتري وبأي عمر يكون
وكم ناقه او بكره اشتري؟
وكم يفضل ان تكون عمر الناقه ؟
ودمتم سالمين

[سهيل الجنوب]

اخوي قلب الاسد كل هذا يعتمد على الميزانية الي مخصصها انت.

[قلب الاسد]

مالها خص الميزانيه الفلوس موجوده والحلال موجود يس المطلوب الاشياء اللي قلتها في اول مشاركه
وشاكرلك مرورك

[الاســود]

هلا بقلب الاسد
في البدايه الابل ما يقال عنها راس يقال (( خابط )) الراس للاغنام
بعدين شعندك محول على الابل

شوف اخوي يعتمد عليك انت شنهو تبي بالضبط
تبي هجن ريس ولا مزاين ولا قنوه

واذا تبي النصيحه كـ بدايه خلك في حدود الـخمس الا العشر
وخلك على نوع واحد لا تخلط يعني يا مجاهيم ولا مغاتير على حسب رقبتك
وانصحك بنسبه لقطر الافظل لها المغاتير

بنسبه للفحل لا تشتري عزبة الامير والشيوخ والمواطنين اهل الابل مفتوحه للجميع جيب ناقتك يضربها البعير الي تبي وراح تاخذ افظل السلالات منهاا ..

[قلب الاسد]

هلا بقلب الاسد
في البدايه الابل ما يقال عنها راس يقال (( خابط )) الراس للاغنام
بعدين شعندك محول على الابل

شوف اخوي يعتمد عليك انت شنهو تبي بالضبط
تبي هجن ريس ولا مزاين ولا قنوه

واذا تبي النصيحه كـ بدايه خلك في حدود الـخمس الا العشر
وخلك على نوع واحد لا تخلط يعني يا مجاهيم ولا مغاتير على حسب رقبتك
وانصحك بنسبه لقطر الافظل لها المغاتير

بنسبه للفحل لا تشتري عزبة الامير والشيوخ والمواطنين اهل الابل مفتوحه للجميع جيب ناقتك يضربها البعير الي تبي وراح تاخذ افظل السلالات منهاا ..

جزاك الله خير يالاسود والله ما قصرت

[الاســود]

العفو يا يا قلب الاسد

بس هاه لحد ينسانا من الحليب

[ابو عزام الرياض]

الله يوفقك ويكتب لك الخير

انا ما عندي شي ازود عليه والشباب ما قصروا بس عندي علم ان مصاريف الشينه والزينه واحد

فجمع الزين لو قل يسر عينك وتفرح به كل ما زاد عمره

والله الله بالمجاهيم وبعد عن القصيره واحرص على الراس ولا تشتري الا ومعك خبير في عيوب النياق

وانت ابخص لان فيه عيوب في الطبع مثل اللي تهد الشبوك او يكون فيها ذيبه او او اشياء ما توضح ولا يسئل عنها في المشترى الا رجل يبخصها

واتمنى لك التوفيق

[سبيشل]

السلام عليكم

ماقصرو الشباب

الابل طرب ووناسه وسعت صدر وان قنيت الابل ما انت مخليها من غير شر وبتعلق فيها

والابل على كثر ما تصرف عليها ترا تستاهل

بالنسبه للتأسيس اخوي الافضل من خمس إلى عشر على ما قال اخوي وترا اللي يحط خمس كانه حاط عشر يعني مثل ماتقول دام الراعي موجود والعلف موجود والدراهم موجود فا مايمنع انك تحط عشرين

والافضل نفس ماقالو انك تحط لون وماتخلط يعني يا مجهم يا مغتر لانه طبع المجهم يختلف عن الوضحى

المغاتير: ناقة طرب وممشى وعجله وطبعهااااااااا ينوووومسك
طبعاً المغاتير كلها بألونها وضح وشعل وصفر

المجاهيم : ساس ولو انها ثقيله بالممشى بس الغالي غالي للمجهم وان تطبعن تطبيع ممتاز اخذ الابل


وشوف اخوي اذا بتأسس على كلامك من عشرين متن فا انصحك بالجمله لانه احسن واوفر واسهل

تشتري جمله:
بتلقى الزينه والشينه على حسب ما دورت بتلقى يعني شوف الابل الجمله الزينه واشتر بتوفر عليك اشياء كثير مثل التنكر والعزبه والفحل
واذا شريت جمله تقدر تبيع اللي مايعجبك وتخلي اللي يعجبك وتلقط من السوق وحده زينه وحده وسط وتأسس عدل
واذا الفحل انتاجه موب زين يعني موب اللي انت تبيه بيعه وحاول انك تقرب من اهل الفحول الطيبه وتضرب عندهم وان شاءلله الله بيرزقك... لان الفحول المنتجه واناجها طيبه طااارت واسعارها خياليا واذا تبي فحل اشتر حوواار ويكون سعره معقول لانه حوار واهم شئ تشوف امه

واذا شريت مفرد يعني تلقط فا متعبه شوي وصعب تلقى الزين رخيص الزين طار سعره فا انا انصحك بالجمله

وبتلقى من العشرين متن بسيارتها ويكون سعر العايدي او الس(سبحان الله)(سبحان الله) سعر ناقه بس عليك انك تدور من اللي يبيعون جمله وبتلقى ان شالله اللي يسرك

والابل تستاهل

وبالتوفيق

واي سؤال انا حاضر