قصائد منتقاة من ديوان سيدي دائم السيف

[وحيد جده]

--------------------------------------------------------------------------------



مجموعة انسان

--------------------------------------------------------------------------------

قالت من أنت ؟ قلت مجموعة إنسان
من كل ضـد وضـد تلقيـن فينـي
فيني نهار وليل وأفـراح واحـزان
اضحك ودمعي حاير وسـط عينـي
وفيني بداية وقت وانهايـة أزمـان
اشتاق باكر واعطي أمسي حنينـي
واسقي قلوب الناس عشق وضميان
واهدي حيارى الدرب واحتار ويني
واحاوم صقور الهوا حـوم نشـوان
واسيـل الوديـان دمـعٍ حـزيـنِ
في عيني اليمنى من الورد بستـان
وفي عيني اليسرى عجاج السنيـنِ
تهزمني النجلاء وأنا نـد فرسـان
واخفـي طعونـي والمحبـه تبيـنِ
إ مـا عرفتينـي فلانـي بزعـلان
حتى أنـا ترانـي أحتـرت فينـي





-----------------------------------------

الا يانـاصـح ٍ بالـطـب روحـــيتراهـا لـو لـقـت طــبٍ تــداوت

ولـكـن مــن يعوضـنـي بـخــلاًمعاليـق الظمـايـر بــه تــلاوت

انـا ويـاه مـن عـهـد الطفـولـهمثل قلبين فـي صـدراً تخـاوت

حياتـي عقـب نـورك مثـل ليـلاًجميع نجومه من أعلى تهاوت

يجـي عقبـه فـرح والا حزايـنتسـاوت عنـدي الدنيـا تسـاوت

دايم السيف







لا هنت

-------------





لا هنت يا راس الرجاجيل لا هنـتلا هان راسٍ في ثرى العود مدفون
و الله ما أحطّك بالقبر لكن آمنـتباللي جعل دفن المسلْمين مسنون
منزلك يا عزّ الشرف لـو تمكّنـتفوق النجوم اللي تعلّت على الكون
سكنت دار المجد يا شيخ و اسكنتشعبك معك في منزل العزّ ممنون
صنت العهد ياوافي العهد ما خنتعلّمتهم وشلون الأشراف يوفـون
كم ظالمٍ عاداك و أعفيت و أحسنتو أخلفت ظن جْموع ناسٍ يظنّـون
شلت الأمانه حافظٍ مـا تهاونـتشفنا بك رْجالٍ على النفس يقوون
ياللي طلبه الملـك بالحـبّ زيّنـتعرشك بتاج قْلوب شعبٍ يحبّّّّـون
لوّنت تاج الملك مـا قـد تلوّنـتما غرّتك دنياك ما صرت مفتـون
بالزهد و المعروف و الصبر كوّنتمنهاج فيصل منهج االلي يعدْلـون
تلفّتت روسا لخلايق ويـن أنـتوين العظيم وعوّد الشوف مطعون
كا خافقٍ وقّف عقب مـا تكفّنـتوكم ناظرٍ ذوّب سـواده محـزون
لو شفت حال النّاس عقبك تبيّنـتمقدار حبّ النـاس للّـي يـودّون
ممّا بقلبي قلـت يابـوي لا هنْـتو الاّ انت فوق القول مهما يقولون




غريب الدار

--------------------------------------------------------------------------------

غريب الدار و مناي التسلّـيأسلّي خاطري عن حبّ خلّـي
سمعت الشور من قاصر معرفهيحسب البعد عن داره يسلّـي
أسافر عنه من ديـره لديـرهعساي اسلاه لكن ما حصل لي
أهوجس فيه و أنسى انّي نسيتهو أفكر في ليالي قد مضىً لي
انا لا جيت أبنساه التوى بـيخياله و أنهمر دمعـي يهلّـي
و أشوفه واقفٍ من دون دمعيحبيب القلب في عيني يهلّـي
دعاني يا غريب الـدار عـوّدترى مالك محـل الاّ محلّـي
مكانك في عيوني يا عيونـيوقلبي من غرامك مـا يملّـي


من بادي الوقت

--------------------------------------------------------------------------------

من بادي الوقت هذا طبع الأيامـيعذبات الأيام مـا تمـدي لياليهـا
حلو الليالي توارى مثل الأحلامـيمخطور عنّي عجاج الوقت يخفيها
أسري مع الهاجس اللي ما بعد ناميو أصوّر الماضي لنفسي و أسلّيهـا
أخالف العمر أراجع سالف اعواميو أنوّخ رْكاب فكري عند داعيهـا
تدفا على جال ضوّه بارد عْظامـيو الما يسوق بْمعاليقـي ويرويهـا
الى صفالك زمانك علّ يـا ظامـيأشرب قبل لا يحوس الطين صافيها
الوقت لو زان لك يا صاح ما دامييا سرْع ما تعترض دربك بلاويهـا
حتّى وليفك ولو هيّم بـك هْيامـيسيّور الأيّام تجنـح بـه عواديهـا


--------------------------------------------------------------------------------




أسابـق الساعـه تسبقنـي الساعـه""
""تقضي وانا تونـي بـاول ثوانيهـا
أبشتري وقت وين اسـواق بياعـه""
""يااللي تبيع الدقايق00حد00واشريها
قلي يبي وقت لو الوقـت ماطاعـه""
""وعيني تبي شمس لو الشمس تعميها
ونفسي مثل باقي الاجـواد طمّاعـه""
""أبي أجـدد علـى الفرحـه لياليهـا
لاشـك الايـام للفرحـات مناعـه""
""لو نورت ليلـة عشريـن تطفيهـا
يظهر ثبات الفتى والنفس مرتاعـه""
""خوف على اللي نحبه مـن بلاويهـا
لـو ان كـلٍ ينـال منـاه بذراعـه""
""خذيت حقي مـن أقصاهـا ودانيهـا
المشكل أنـك يابولحظيـن بتاعـه""
""تاخذ سلاحي من الكفيـن واعطيهـا
وانا ادري ان العيون السود خداعـه""
""لاشك ودي أصـدق منـك داعيهـا
والمهتوى لي اهتوى مايطوي شراعه""
""يمشي على النار كنه ماوطـى في

--------------------------------------------------------------------------------




أذكـريــنــي
كل ماعانق نظر عينِـك قمـرأولثم خدك شعـاعٍٍٍٍٍ مـن بعيـد
أونسيمٍ هفهف بشعـرِك سحـرأوتغنى بالهوى صوتٍ طـروب
أوتبلـل كفـك بقطـر المطـرأوتبسـم بالسمانجـمٍ جـنـوب
وضحك وردٍعلى عودٍ خضـرأونقل لك نفحة خزامى هبـوب
أوتهادى موج في شـط البحـرينشد الراحه بعد يـومٍ تعـوب
أوخيالٍ من قديم أمسِك حضـريستفزالقلب بالصوت العتـوب
أوتجاسر فكر فـي ليلـة حـذريسترد الحلم من درب الهـروب
أذكريني00واستعيدينـي شِعِـرصادق المعنى00 ولووقته كذوب






لـــــو نـســيــت .
لو نسيت العمر ما انسى دمعتك
صرخة ذابت من عيونك دموع
ترتعش مرتاعة فـي وجنتـك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشـوع
تسكب الدمعه وتظمى نظرتـك
مشهد النظرة وهي تظمى يروع
يا ضياع العمر ضيعة بسمتـك
ضاع معها خافق مثلك جـزوع
ليت من يمتص جارح لحظتك
والفرح يشعل دياجيرك شموع



ابي منه الخبر

--------------------------------------------------------------------------------




ابي منـه الخبـر ويقـول لله
نفى المرسول و ما عيّن محلّه
وقلبي تايه ٍ من عامـه الأول
الا يالله يسّـر مـن يـدلّـه
خذاه اللي على خـدّه علامـه
سوادة غيم في شمس ٍ مطلّـه
انا يوم أرسل عيونـه لقلبـي
عطيته مهجتي و المعطي الله
نصف زين الخلايق في عيونه
وباقي الزين في باقيـه كلّـه


--------------------------------------------------------------------------------

لا يطول غيابك





لايطـول غيابـك ثـم اخـذ عليـه
لو تخليت عنى عنك قلبي ماتخلـى

العـذر والتعلـل والحكـي مانبيـه
من تحرك فؤاده بالهـوى ماتخلـى

طبعي الصبر لكن وش عليه ارتجيـه
من طويل الصبر يعقوب وايوب ملا

دامني حي عطني وش بقي نحتريـه
مابي دموعك اللي عقب موتي تهلا

مابقي بالعمـر مقـدار مـاراح فيـه
كل مازل يومٍ يـوم بالعمـر ولـى

مايعرف الجمر مثل الـذي يكتويـه
احد يدفا بناره واحد فيـه يتصلـى

يامن القلـب حطيتـه براحـة يديـه
مارضى له مكان غير كفـك محـلا

كم تعذر وعيا عـن هـوى محتويـه
لين طاح بيمينك بالغـرام وتجلـى




--------------------------------------------------------------------------------


سريت ليل الهوى لين انبلج نوره


طعس وغدير وقمر ونجوم منثوره


يا نجد الاحباب لك حدر القمر صوره


حبيبتي نجد عيني فيك معذوره


فضة شعاع القمر في نجد مسحوره

--------------------------------------------------------------------------
--------------------------------------------------------------------------
المعاناة

------------


يا ليل خبّّرني عن امـر المعانـاة
هي من صميم الذات ولاّ اجنبيّـه
هي هاجسٍ يسهر عيوني ولا أبات
أو خفقةٍ تجمـع بقلبـي عصيّـه
أو صرخةٍ تمرّدت فوق الأصـوات
أو ونّةٍ وسـط الضمايـر خفيّـه
أو عبـرةٍ تعلّقـت بيـن نبـرات
و الدموع اللـي تسابـق هميّـه
أعاني الساعه و أعاني مسافـات
و اعاني ريـاح الزمـان العتيّـه
و أصور معاناتي حروف و أبيات
يلقى بها راعـي الولـع جاذبيّـه
ولا ني بندمانٍ على كلّ ما فـات
أخذت من حلو الزمـان وْ رديّـه
هذي حياتي عشتها كيف ما جات
آخذ مـن أيامـي و أرد العطيّـه







كل ما اشتدت

--------------------------------------------------------------------------------




كل ما اشتدّت يزومون الرجالوالسعـودي دايمـاً رجّالهـا
ما تزعزعنا تقاريـر ومْقـالأمّـة تاريخـهـا بافعالـهـا
المشاكل لو تجي كبر الجبـالما نجنّبهـا .. نـزود قبّالهـا
دارنا يا دارنا دونـك عيـالنردع المغرور مـن عيَالهـا
تلطم العايل اذا اشتدّ النّـزالكفّنـا نعـدل بهـا جهّالـهـا
ما يهيّبنا خطـر والاّ محـالالمعارك ذارعيـن أطوالهـا
كل ما نلناه من صعب المنالما هـو إلاّ بسملـة أبطالهـا
والأمل تطلب براعمنا الكمالكـل يـوم يرفعـون آمالهـا
والشباب المستنير بكل حـالالمراجـل والمعـارف نالهـا
نذكر الأفعال ما نرسم خيـالبالحقايـق دقّهـا وجْلالـهـا
أنظروا يمين والتفتوا شمـالوقارنـوا بلادنـا بامثالـهـا
عزّنا بالدين من رب الجـلالوالعروبـه حارسيـن جالهـا


كلمات الشاعر الكبير (امير الشعراء )
سيدي الأمير الشاب
خـالـد الفيـصـل