تصوف الغنم

[متابعكم]

السلام عليكم ورحمة الله وبركاتة ....

ياجماعة الخير ويا اهل الخبرة عندي الغنم ايصوف ياكل صوف بعض وش الحل الله يجزيكم خير ؟؟

[عادل عيد العتيبي]

هلابك يامتابعكم

عليك بالملح

[المنتج]

الاخ العزيز متابعكم:

الاسباب كثيرة راح اذكرها
1. المبيت داخل الشبك .
2 قلة الاملاح و المعادن و العناصر .
3.الزيادة الاعلاف ثم انزالها ( يعني مرة تزيد العلف ومرة تنقصه) .لابد الحلال يكون له وزنه .
4. اذا ربضت الغنم فتره طويلة ولم يسحب الراعي النغم ولم غير محلها لفترة طويله . (الغنم تربض على بعضها )

وهذا اجتهادي و الله الموفق.

[دابان1]

اخوي متابعكم
كلام اخوي المنتج صحيح 100 % وهذا عن تجربه واضيف عليه ابتعد عن ملح الطعام ( الأبيض )
وعطها املاح وعناصر تنباع عند البيطره فيها بالماء وبعضها مع العلف.
ترا هذا كله اجتهاد واسمحلنا عالقصور.

[بدر الحضيري]

السلام عليلم
الغنم لها شهر ألى شهرين مقرعه
وهذا نقص علف زيد العلف وفى بداية الشهر الثالث من الضريع راح ينتهى أكلها للصوف
ولا تبات فى شبك

[متابعكم]

بيض الله وجيهكم جميعا وننتظر المزيد من المشاركات من الاخوان الي ما شاركو ويعطيكم الف عافيه .

[سعود]

هذا من نقص الاملاح .....

[الحشاش]

السلام عليكم

كلام الاخوان كله في محله

و ازيد عليه انك تقص الغنم في الوقت هذا

عشان ما تقدر تطول الصوف وتاكله وتتعلم علي اكل الصوف

بعض الغنم فيها الطبع هذا اكل الصوف

بالتوفيق

[راعي الغنم]

الاخوان اضنهم ماقصروا وانا والله مالي خلفيه في الموضوع هذا

[عبد الرحمن الشبيعان]

جزاكم الله خير :)

[محسن بن حشه]

السلام عليلم
الغنم لها شهر ألى شهرين مقرعه
وهذا نقص علف زيد العلف وفى بداية الشهر الثالث من الضريع راح ينتهى أكلها للصوف
ولا تبات فى شبك



اوافق اخوي بدر الف بالميه

ان كانك مقصر بالعلف زيده واذا زين ضيف عليه البرسيم والفتمينات

حاليا وقت حنايه وأول الضريع