ياليت تزودوني برايكم بالفحل سبلان

[ابو عزام الرياض]

السلام عليكم ورحمة الله وبركاته

وشلونكم يا جماعه ومبارك عليكم الشهر جلعنا الله واياكم من صوامه وقوامه


ياليت تعطوني رايكم بالفحل سبلان

وظرابه ان شاء الله هذي السنه و ابوه على فحل سعود بن مترك العجالين وامه صخيبريه

http://www.m5zn.com/uploads/644ea762d4.JPG (http://www.m5zn.com)



http://www.m5zn.com/uploads/b9490bfd2d.JPG (http://www.m5zn.com)


http://www.m5zn.com/uploads/393c0e1aae.JPG (http://www.m5zn.com)


مشاء الله ولا اله الا الله والله يجزاكم عنا كل خير

[عادل عيد العتيبي]

ابو عزام
الفحل ماله راس والرقبه فيها عرض الى اذا القعود ساسه طيب هذ شي ثاني

هد الفحل وجيك امه

[بدون مجاملات]

الفحل عذروبه راسه صغير بلحيل
واذنه مهيب اذن مجهم
وانت ان كانك مقتنع ان اصله زين ضرب منه ذالسنه وجرب
والله يكتب الي فيه خير

[ابو عزام الرياض]

الله يعطيكم الف عافيه على مروركم الطيب

وفي الحقيقه انا قلت مثل ما قلتو بنسبه للراس وانه صغير

لكن لما جاء عندي شريته بدون تردد

لان صغر راسه بالصوره من كبر رقبته والبعير ما بعد طاحت ثناياه وراسه مصغرته كبر وعرض الرقبه لانه هايج ولا راسه وكبر خده على ما شافته عيني غير اللي بصوره وراسه مدري كيف اقارنه لكم لكن الاكيد انه ياكل المكعب في في وراسه مالي نصف المعلف والمعلف عباره عن البريمل البلاستيكي الازرق مقسوم نصفين واربع لقحات ياكلون في النصف الثاني وكانهم عنده لقاياء

اما الاذن انه اذن لغير المجهم ياليت تشرحها لي

وهو الان مسيوم مني 40 الف ولا عندي نيه للبيع لاني طامع ان الله بيرزقني منه


والله يرزق الجميع ويكثر خيركم

[حوران]

الرقبه العريضة عذروب يابوعزام

القعود له شقه عريضه ونظير

لكن الراس دون المستوى

وعيزه اطول من غاربه

انا انصح انك ما تهده على الظرايب كلها جرب في بعضها لين تشوف نماه

اتمنى لك التوفيق وجعله يتبارك لك

[(بوعلي)]

تبي الراي مايصلح بدون زعل

[تويم ابو فوطة]

تبي الراي مايصلح بدون زعل

بانسبة لك يا ايو علي وشلون تقيم
لك على جمل وانت راز صورة هالتيس
ترى هل البل مايدانون راعي العنز
وبالنسبة للفحل فانا رايي هدة ولا
تشاور لاني اشوف عرض خدة عجيب وكبر
وسعة عين اغرب واذن وافية مافيها
كلام ويمكن الاخ اللي انتقد الاذن
راعي مغاتير ولايعرف الفرق بين اذن
المجهم والمغتر واخيرا دمتم بود واى اللقآءقريبا باذن اللة

[$$ الوزير $$]

<<؛××؛<< مـا شــاء الله تبــارك الرحـــمن >>؛××؛>>

[عاشق النجدي]

بانسبة لك يا ايو علي وشلون تقيم
لك على جمل وانت راز صورة هالتيس
ترى هل البل مايدانون راعي العنز
وبالنسبة للفحل فانا رايي هدة ولا
تشاور لاني اشوف عرض خدة عجيب وكبر
وسعة عين اغرب واذن وافية مافيها
كلام ويمكن الاخ اللي انتقد الاذن
راعي مغاتير ولايعرف الفرق بين اذن
المجهم والمغتر واخيرا دمتم بود واى اللقآءقريبا باذن اللة


ماشاء الله تبارك الله وانا كلامي من كلام الرجال تويم ابو فوطه

[ابو عزام الرياض]

اشكر لكم مروركم وارائكم والله يعطيكم الف عافيه

[بدون مجاملات]

اخوي ابو عزام اذن الاملح يجب ان تكون
واقفه
وطويله
وحاده
واذا نظرت اليها من الخلف تشوف انها مقوسه واطرافها
متجهه لبعض
والواضح في قعودك ان اذنه خرعا
وللمعلوميه ترى عرض الرقبه عذروب
وترى باقي تقا طيعه كلها زينه