صورة ام الفحل قرار

[عفار]

السلام عليكم ورحمة الله وبركاته

مساكم الله بالخير اخواني
هذي صورة ام قرار وصورة قرار وعمره شهرين وايام تقريبا حبيت اضيفها لكم وابي رائكم انكان ام قرار عليها اي انتقاد او تعليق لان في موضوع سابق اشار احد الاخوه الى ام الفحل وهذي هي امامكم بصوره ارجو التعليق بكل صراحه

http://www.l22l.com/l22l-up-2/3e37833614.jpg (http://www.l22l.com)


http://www.l22l.com/l22l-up-2/fb09e23fbc.jpg (http://www.l22l.com)

[حمد العلي]

ما شاء الله تبارك الرحمن ما عندي تعليق بس اني اذكر الله سبحانه
اخوي فهد ما عندك صورة ابو قرار اعتقد ابوه مقيقان عدل

[راعي هداج]

مشاء الله تبارك الله 0 وش الطرح الي بعد قرار؟ وهل هو بمستوي قرار ؟ الله يبارك لبو عبد الله

[ماجد فالح العتيبـي]

مشاء الله تبارك الرحمن
والله أغبطه على نظرته الثاقبه في إختيار الزين الله يباركله بلغ تيحياتنا للأخ أبو عبدالله ولك مني أجمل تحيه إخوي عفار

[عفار]

السلام عليكم ورحمة الله
اخواني اعمدة قسم النجد حياكم الله
والله يبارك فيكم ويرزقكم الرزقه الطيبه
حمد العلي ابشر انا بحط صورة ابو قرار قريبا ان شاء الله وهي كانت موجوده في المنتدي بس انحذفة مع الوقت من مركز التحميل
اخوي راعي اعجاز للاسف الشاة لها رخل فقط وماتت الام بعد قرار
راعي البارجه سلامك ياصل ان شاء الله والله يبارك فيك ويخليك

[ابو سالم]

تسلمممممممممممممممممممممممممممممممممممممممممممم

[أبوحارث]

( هذا الخبز من ذاك الطحين ) ما شاء الله فحل طيب مثل قرار لابد ان تكون أصولة طيبة .

[ابو رائد]

مانقول غير مشاء الله تبارك الرحمن عليها وعلى انتاجها وشكر اخوي فهد على تلبيت طلب اخواني الاعضاء وكنت انا اريد ان اشوفها بعد وبيض الله وجهك

[عفار]

اضيف الرد لرفع الصوره ولكي يطلع عليها الاخوه

[عنوان]

الام منتجها راجح الطلحي من محافظة المذنب اما انا هناك رخل لهذه الشاة فتوجد وهي زقما عند الاخ عبدالحمن الهندي وتويمها مات وللمعلموه لم تمت الام بعد قرار وانما ماتت بعد ولدة هذا التوأمان

[هامور عنيزه]

اشهد بالله انها انتجته فحل

[ديمان]

نعم انتجت فحل لك عليه بس الفحل وش انتج والحين عمره حوالي 3 سنين بس تعرضون طرح نبي اعمارهن 8شهور او اكثر هي اللي تثبت ان الفحل زين والا لا مانبي اشادات وكلام عطون صور لا تصير طرح انا جيت للهندي بالشتاء اللي زل وشايف عنده عيال لقرار اعمارهن من 3 شهور وفوق وين صورهن الحين اعمارهن فوق 8 شهور ( الشعرا يقولون مالا يفعلون ) لا تصيرون شعراء هرج بس

[فضايح]

سلام علاكم مساكم الله بلخير يا جماعة الربع



في الحقيقة انا ماجازلي الا رد الاخ ديمان صراحة انا نفس الكلام اقولة

لكن بس انا ودي اسئل الأخ ديمان عن انت وشعندك من الأنتاج وش عندك من حلال وش عندك من الفحول ومن وين اصلها ممكن تسلسلها الى خامس جد وممكن اعرف من اي مراح بديت ( من اي نفل بديت) اسف هذي حقيقة لزم تقولة وانت واثق بنفسك انك رايح تتصدر المربين والمنتجين وهذة تسمى عندكم ياهل النضر بنضركم فراسة ونضرة ثاقبة



تدري انا وش خايف منة ( انك من الي يناضرون الغنم من وراء الشبك) ههههههههههههههه







ترقبو فضايح جديدة مراح ابو عب........................... تحت المراقبة


في الأخير احب اقول الميدان ياحميدان وكل تطلعة يمناه ولا الردي يقعد وراء وراء وراء وراء وراء

[ديمان]

الاخت فضايح لانه اسم مؤنث وفيه نسوان اطيب من الرجال ( وفيه اذكر شريطيه غنم بالرياض ) انا لا املك نجد اقسم بالله وتالله اني لا املك نجد او اي بهيمه . ولو ان عندي نجد لو هي رديه والله لاصوره واطلعكم عليها لانه ماهو عيب بالرجل اذا كان حلاله ردي فربما انه ما يقدر يشتري غالي او انه كايد على الفلوس الا بعلوم الرجال يهين الفلوس هذا بالنسبه لطلبك العرض ...... اما اذا خوفك اني من اللي يتفرج على الحلال من برى الشبوك فانا من الذين يتفرجون على الحلال من داخل الشبوك اللي يجلس برى الشبوك الجعري ( ولن اتطرق لمسابتك مثل ما فعلتي انتي ) فانا المدرب اللي على الدكه اقيم و اختار الاعبين واضع الخطه اللي تخلي الفريق يفوز ( ما عندي مجامله يافضايح اعوذوا بالله من الفضايح اختر لنفسك اسم زين مثل السيف البندق وابعد عن الاسماء المؤنثه ) ......... اما ترقبنا فضايح مراح ابو عب.... فاي تقصدين ابو عبالله الهندي او ابو عبالله السعدون .............. تراني ما احب الغمز والمز هذي من طبايعكم يالحريم...... حطيت الكتابه باللون الوردي لانكن يالحريم تحبن هاللون

[فضايح]

هههههههههههههههههههههههههههههههههههههههههههههه ضحكتيني يا ديمان الشق اكبر من الرقعة ههههههههههههههههههه

[ديمان]

مالكي خويه بالمنتدى دوري وحده من زميلاتك ودخليها معك لامنتدى انا اسمي مشتق من المطر (الديم ) اللي يروي الارض

[ابو تركي]

ما شاء الله

الله يبارك فيه

[حمد العلي]

كفو والله يا ديمان الظاهر فضايح عندها حلال صعب×خصم×!!!!!!!!!!!!!!!!!!!!!!!!!!!!!!!!!!!!!

[التميمي]

أدور لي على راعية ترعى حلالي ما تخبرون لي ؟

[ديمان]

ولا تهون يابو فهد وحلوه الحركه( !!!!!!!!!!!!!!! ) اعتقد اني فهمة امغزاك

[بتال]

الظاهر موال المنتدى اليوم كله غمز ولمز وأنا على نياتي لكن أتوقع إن فيه ناس زبنت الذره والباقين قلبوها صن ؟؟؟؟؟؟؟؟؟؟؟؟؟؟؟؟؟؟

[jp-8]

ما شاء الله تبارك الرحمن ممكن من الاخ عفار توضيح في اي سنه اخذت الصوره للعلم فقط