ابغى حل الله يجزاكم خير

[بدون مجاملات]

السلام عليكم
ياجماعه انا عندي مشكله
لها اكثر من ثلاث شهوراتمنى انكم تساعدوني على حلها
الابل عندي بعضها ياكل صوف بعض رحت الدكتور عطاني ملح احمر
استعملته له شهرين بدون اي فائده الابل صراحه شكلها يضيق الصدر
شعفتها بدون شعر

[راعي الحق]

بدون مجاملات عليكم السلام ورحمة الله وبركاته جرب الملح الاخضر لان الابل اللي عندك ناقصها املاح وبعض العناصر مثل النحاس والحديد هذا والله اعلم000

[دابان1]

السلام عليكم ورحمه الله أخوي بدون مجاملات
أغلب الحلال في هذي الايام يصير فيها أكل وبر وهذي والله اعلم نقص بكمية العلف أو ابلك ما تحمض ويقولون تبذح طرف لسان الناقه أو الحوان بشفره ويروح منها اكل الوبر
فيه ناس جربت ومشا معاها وفيه لا والله ما مشت معهم
والله أعلم
أخوك / ابو مبارك

[عبدالله راشد الضحاك]

بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
والله اول مره اسمع هاذ الكلان ان الابل تاكل شعوفها وشعوف غيها
انا ابدوي وسرحت في الابل وعندي ابل ولم اشاهد مثل هاذي الحالات الله يباركلط فيهن

[DHL99]

السلام عليكم ورحمة الله وبركاته
انا حصل معي الشهر اللي طاف في المفاريد وعطيتها ملح عادي ودوا في الماء لونه اصفر وطابت ولله الحمد

[بدون مجاملات]

وش نوع الملح والدواء الاصفر الله يجزاك خير