هل عنزتي شاميـه :) ؟؟

[قمووووووشه]

السلام عليكم ..

انا عندي عنزة من اول يوم انولدت فيه جبتها عندي البيت :)

وهي بصراحه مجرد هوايه لا اكثر ولا اقـل


وما اعرف ايش نوعهـــا ؟؟ وعمرها اللحيــن 4 شهور واسبوعين و 3 ايام <<بالضبط :)

هل هي شاميــه؟؟؟ او ايش ؟؟

واقدر ادخلها مسابقة الجمال لو صارت مو شاميه ؟؟


وهذي صورتها قبل شهرين تقريبـا .. ياليت تعطوني ارائكم فيهــا ..

وان شاء الله بنزل لها صور جديده علشان اعرف حجمها وطولها زين على عمرها ؟؟

وانا دايم اعطيها برسيم لكنها ما تحبه بس انا حاطته لها

واعطيها فواكه (تفاح وفراوله وشمام وجح وتمر وقشور برتقال) وخضروات (خيار وشوي خس و جرجير و هذي الاشياء) وخبز وقاعده اعودها على الشعير ..
بس انا ما اعطيها الاكل بصورة منتظمه ..!!!!
هل هذا يأثر عليها وعلى صحتهـــــا ؟؟

ومتى اقدر ازوجهــا ؟؟؟ هل صحيح اذا كملت الـ 6 اشهر ؟؟
علما بانـها ترفع راسها لفوق ؟ هل هذا دليل انها تريد التزاوج؟؟

وهل اقدر اعرف اذا كانت من فصيله كويسه او لا ؟؟


ادري ازعجتكم بس انا يمكن اصغر مربيه هنــا :)

وياليت استفيد من خبرتكم ..

اختــكم ..
قمووشه <<على اسم عنزتها
وهذي الصوره

http://www.q8boy.com/uploads/b0e83c470b.jpg (http://www.q8boy.com)

وان شاء بنزل صور جديده لو حبيتوا ..

[ابوفارس]

ماشالله تبارك الله
وش رايك اعطيك معزاي كلها مادام هذى طريقه في التربيه دلليهم مو مثل حالتنا لو تطق العنز مافي غيرالبرسيم ههههههههههههههه

[قمووووووشه]

يؤ حراااام عليييك ..

انا ماعندي مانع جبهم كلهم :)

وان شاء الله بيرجعون لك وهم على اخــر دلال :)

بس ما ادري اللي اسويه صح او لا؟:o
يعني مافيه بعض انواع الفواكه تضرها او شي ..

لاني سمعت انه قشور الموز مو كوويسه ولا الخس لانه بينحفها ..!!

ياليت القى منكم الافاده ..

والله يعطيك العافيه بو فارس :)

[علي القحطاني]

والله ياقموشة الخضروات اخبرها للارانب

[قمووووووشه]

يؤيؤ ..

يعني مايصير اعطيها خيار وجرجير وخس وهالاشياء؟؟ :s

[أبو أسامة]

مشالله ياقموشه عناصر متكامله من الفيتامينات بس على فكره الجفره أسمها قموشه ولا أنتي قموشه ترى لو سميتي الجفره قموشه أحسن لآنها ماشالله تقمش كل شي الله يبارك للك فيها وأنصحك وديها لسوق أحسن اليوم قبل بكره وشكراً

[قمووووووشه]

ابو اسامه ..
يعطيك العافيه ..

وانا مسجله بالمنتدى باسم عنزتي (قمووشه) :)

بس مافهمت وش تقصد بالسوق؟؟
يعني ليه اوديها ؟؟

جزاك الله خير ..

اختك

[ماجد فالح العتيبـي]

وعليكم السلام قموشه
شوفي قموشوه هذي أحلى مافيها إن لونها مقارب حق لون السياره إلي وراها ولون الأرضيه ولون الطوفه يعني إنت مبين عليك إنك تحب درجة اللون هذي وهذا السبب إلي مخليك تعشقها0
أما بالنسبه إنها تكون مميزه أو لا فهي بصراحه تعتبر من فصيله عاديه ولا تعتبر شاميه0
أما بالنسبه للأكل فيفضل أن تعطى شعير وياليت يكون مجروش علشان مايعور أسنانها ويكون سهل للهضم 0
ملاحظه : بس عجيب شعرها بعد السبوح والإستشوار صراحه مدلـلـه 0

[قمووووووشه]

راعي البارجه :)

يعطيك العافيــه ..
واكيد بعشق هذا اللون دامــه لون قمووشه :)


اشكر لك ردك واهتمامك ..
ماقصرت ..

وترى شعرها هذا طبيعي ماعمري سبحتها اخاف تزكم :(

لا اله الا الله عليها ..


اختــك ..
قموووشه ..

[قلب الاسد]

ما عتقد انك من النوع اللي يدور على فصيلة معينة او يهتم باصالة الماعز
عموماً الصخلة ترى تربيتها حلوة وتونس اليهال في البيت واحسن من تربية القطاوة والكلاب
واذا تعودت عليك الصخيلة بتونسك وبتدلل عليك واذا شافتك بتزاعق تبي الحليب
وبتركض في الحوش وبتنطنط وبتسوي حركات حلوة
بس حاسبي على عباتك ترى الصخل يحب يعضض الاقمشة
تحياتي لك

[قمووووووشه]

قلب الاسد ..
اسعدني ردك ..

وفعلا انا ما اهتم بأصالة الماعز بس حبيت اعرف ايش نوعها ؟

وانا معك في كل كلمـــه ..

تحب تعض الاقمشه والبلاستيك ..!
ودايم كانت تنطط وتسوي حركات يوم كانت تشرب حليب :)

يعطيك العافيه وماقصرت ..
اسعدتني والله ..

اختك ..
قمووشه :)

[سليم]

تحياتي قمووووووشة
ارى انه من واجبي الرد ولو كان متأخر
بما انك هاوية لتربية الماعز أنصحك بشراء عنزة صغيرة ذات قيمة تكون حلوة وجميلة
اعطيها ما شئت من الاكل فهذا لا يضر علما انها في العمر الصغير لا تأـكل الكثير
يتم نضوج العنز للتزاوج بعد عمر 6 شهور والافضل ان تنتظر العنز للعام التالي من العمر فهذا يعطيها النضوج

[أبو أسامة]

الأخت قموشه أقصد بالسوق يعني إذا كنتي تبحثين عن الماعز الشاميه الأصيله فهذه ليست منها بيعيها لسوق وخذي لك من الماعز الشاميه ذات الأنوف المحدبه والعيون البيضاء والرقاب الطويله والجسم الأملس تستفيدين شكل وجمال وحيوانات أليفه جداً وتستفيدين أيضاً حليب . وأتمنى لك التوفيق

[قلب الاسد]

قلب الاسد ..
انا معك في كل كلمـــه ..
تحب تعض الاقمشه والبلاستيك ..!
اختك ..
قمووشه :)
الاقمشة ما تخوف لكن البلاستيك حاسبي منة
لانة بيضر صحتها ولا ينهضم وبيسبب تساقط شعرها
ويسبب لها الهزال مستقبلاً.
واذا شفتيها تاكل كيس لحقيها وجرية من فمها ولو ما قدرتي
خليك وراها هترمية او يقع من فمها مع الجري وهروبها منك
اذا كانت تاكل ترى اي شي نباتي تاكلة
حتى قشور المنجا والموز,والرز المطبوخ,والخبز, والخيار
واذا عطيتيها بسكوت بعد ماراح تقول لك لا
وعلى فكرة العنم تموت على ورق الشجر وخصوصاً شجر السدر
فهي تحبة جداً
على فكرة
( صخلة وحده لاتكفي جيبي لها صخلة ثانية معاها وانا اضمن لك
انك راح تستمتعين فيهم وهم يتسابقوا ويتناطحوا ويلعبوا مع بعض)

[قمووووووشه]

سليـم ..
تسلم وربي ماقصرت ..
بس انا مرره متعلقه بقمووشه :)
مااقدر استغني عنهــا ..

يعطيك العافيه ..
وربي يشفيها ويقومها لي بالسلاااامه :(

[قمووووووشه]

ابو اسامه ..
اشكرك على اهتمامك ..
ماقصرت ..

بس انا مو مهم عندي النوع .. بس حبيت اعرف نوع قمووشه من باب الفضول :)

تسلم وربي يجزاك كل خير ..
والله يشفيهااااا ويقومها بالسلامه .

[قمووووووشه]

قلب الاسد ..
يعطيك العافيه ..
وانا اسوي كل اللي قلت عليه :)

وبالنسبة لفكرة عنزة ثانيه ..!
مافيه امـل .. ان شاء الله يجوون عيالها وتستانس معاهم :)

كل الشكر لك ..

[الجناي]

السلام عليكم
انا من رأيي تشوفين لها تيس لونه ابيض
حتى يطلع الانتاج أبيض من الداخل بيج :)

[قمووووووشه]

الجناي ..
ان شاء الله ياارب :)

بس خلها تكمل 6 شهور وبزوجها على طوول :)

ماقصرت ..
ويسلم تواجدك ..

اختك ..
خياليـه ..

[قلب الاسد]

الجناي ..
ان شاء الله ياارب :)
بس خلها تكمل 6 شهور وبزوجها على طوول :)
.
المهم اذا عزمتي تزوجينها
انا اعرف تيس ابن حلال ماراح يقصر فيها
وراح يحطها بعيونة
بس لا يقصون عليك ويقولون لك ستة شهور
لا تستعجلين على البنت
خليها تكمل 9 او عشر شهور وبعدين جيبيلها عريس
ستة شهور كثير بدري عليها
انا نصحتك وانت بصرك هذي بنتك وذنبها برقبتك

[قمووووووشه]

قلب الاسد ..
وربي ضيقت صدري بردك :(

انا احسب عمرها باليووووم ابغى افـرح بعيالهـا :(

وربي محتااااره :( جدي يقول زوجيها اذا صار عمرها 6 شهور وانت تقول اذا صار عمرها 9 :(

مدري وش بسووي ..!!

[قلب الاسد]

قلب الاسد ..
وربي ضيقت صدري بردك :(
انا احسب عمرها باليووووم ابغى افـرح بعيالهـا :(
..!!
اذا بتضيقين صدرك من الحين وهي عادها شهرين عز الله جاك الضغط والسكر
تو الناس على مايصير عمرها ستة اشهر على الاقل
وانا مصر على كلامي ستة شهور بنتك بتكون صعيرة حداً على الحمل
وممكن يسبب لها متاعب في الولادة
وانا اشوف بدل ما تترينها تحمل شدي حيلك وجيبيلها اخت تستانس
معاها وتلعب ولاقصورً فيك يعني
لكن ماراح تتفاعل معاك الصخيلة مثل تفاعلها مع العنز الحقيقية :d

[قمووووووشه]

قلب الاسد ..
جزاك ربي كل خير ..
والله يكتب اللي فيه الخير ان شاء الله ..
ماقصرت ..

----------

فتى الجزيره ..
الله يسامحك بس ..
انا بنت وما احب اتشبه بالرجال لانه ديني يحكمني قبل كل شي ..
واتوقع كثرة الردود ماله علاقه في كوني بنت لانه الناس للناس والكل حاب المساعده في هذي الهوايه المشتركه ..
واسفه على ازعاجك ..

وجزاك الله كل خير ماقصرت والله ..


اختـك ..
قمووشه ..

[ابوفارس]

السلام عليكم فيه ناس كاتبين مواضيع من زمان ولم يحضو بكثره الردود لماذا ؟؟؟؟
وانا اتوقع الي كاتب الموضوع رجل وارجعو للموضوع الاول ودققو في بعض الكلمات
ياخي اتق الله في نفسك انت بردك هذا اسئت لاخوانك الشباب الى ردو وصدقني انا ماحب الغي مشاركتك ولاكن اقول لك انتبه تغلط على احد وذا كان هذا رايك فكل اناء بمافيه ينضح .
وماعتقد انه في موضوع او استفسار ماحد رد عليه .

[أبو أسامة]

شكراً الأخ أبو فارس على حسن التعامل مع الآخرين
فتى الجزيره : هذا العشم فيك دائماً وهذا مما يدل على ثقتك في نفسك وعلى علو نفسك وتواضعك وحسن خلقك بارك الله فيك

[راعي هداج]

هههههههههههههههههه الله يبارك لك حلوووووووووووووووووه ادخل فيها مسابقة الخيل هههههههههههههه

[قمووووووشه]

الخيـل ؟؟ :o

عموما ..مشكور على ردك وماقصرت :)

[ابوسعد]

انا داخل ارد على السؤال الأساسي ماهو نوع الجفر

من الطبيعي وفي كل الجزيرة العربية أن الفصيلة النقية نادرة جدا ولكن الكثير من الحيوانات يحمل صفات غالبة لفصيلة معينة
وهذه الجفرة تحمل صفات العنز المصرية ونحن في نجد نسميها مدينية .
أمّا الأكل فجميع ما ذكرت صالح للأكل شريطة الاهتمام بأمرين
لا تكون هذه الاشياء رطبة جدا او معفنة
والشرط الثاني تنظيم الوجبات
وطالما لم تذكرين اي معاناة مع الاسهال فهذا يدل على أنها تعودت على القياس لنفسها .
تحياتي

[حمد العلي]

ما شاء الله العنزه حلوه وايد بس ابي اعرف اشلون صحتها بعد المرض اللي جاها

[قمووووووشه]

ابو سعد ..
يعطيك العافيه وماقصرت ..
معلومات مهمه ومفيده :)
جزاك الله خير ..
وجعلها في ميزان اعمالك ان شاء الله ..

-------
حمد العلي ..
الحمدلله على كل حال ..
بس قمووشه مارجعت زي قبل :(
تعرج وتطيح احيانا ..!
وحركتها بطيئه نسبيا ..

وشعرها متقصف ويطيح :(

بس ان شاء الله مع الوقت تتحسن ..

تسلم على اهتمامك ..
اختك ..
قمووشه ..

[عبدالله القرني]

ياليتك تعيدين الصوره بدون الجفره عشان نشوف السياره

[قمووووووشه]

ياكثر السيارات بالشارع

[العنيد]

مشاء الله تبارك الرحمن
الصخله خصم ولونها حلو