ما الحل

[سعد]

السلام عليكم
يا اخوان شريتلي فحل من السوق عمره خمست شهور وعزلته بروحه لين اصبح عمره سنه ونص
وبعدين هديته على العنز لكن التيس ما يقرع مع العلم ان العنز صارف وهي توقف للتيس لكن التيس مايقرع
وحاولت امسكله المعزه لكن دون فائده
ما العمل جزاكم الله خير
مع العلم انه صارله اكثر من شهر مع العنز

[فـتـى ثـقـيـف]

ههههههههههه سعد حطيت يدك على الجرح أييييه نبي حــل

[قلب الاسد]

عزلتة من عمرة خمسة شهور ال ان اصار عمرة سنة وستة شهور
يعني حابسة سنة وشهر
ياخوفي تيسك تعلم يريح نفسة بنفسة

[راعي هداج]

اتركة مع مجموعة عنم وهو يدبر نفسه ولك احترامي

[ماجد فالح العتيبـي]

هلا إخوي سعد لديك خيارين :
1- إن كنت قد وضعت الفحل مع عنز واحده فقط طول تلك المده فيجب عليك التغيير إما إدخال عليه مجموعه من الماعز أو إدخال عليه فحل آخر كي يحركه ويحرك المعزى 0
2-أو عرضه على طبيب بيطري 0

[الجناي]

هلا ياسعد
شوف ياسعد دخل مع التيس تيس عمره خمس اشهر
وثلاث ايام والعنز تقرع وعلى مسؤليتي
بس دخل تيس صغير يحرك التيس الفسقان :)

[حمد العلي]

اخوي سعد الجماعه ما خلو شي الله يجزاكم خير على جميع الحلول

[سعد]

السلام عليكم
اشكر الجميع على المشاركه والتعليق
راح ادخل مع التيس تيس ثاني عمره خمست شهور
لكن والله يا ان ما قرع هالتيس لآخذ البندق وخمس فشقات براسه لاني بصراحه تعبت عليه
آخر شي ما يقرع

[قلب الاسد]

السلام عليكم
والله يا ان ما قرع هالتيس لآخذ البندق وخمس فشقات براسه
لاني بصراحه تعبت عليه
آخر شي ما يقرع
وشلون تعبت علية ياسعد :confused:
فضفض ولاتخلي شي يصدرك
كلنا اذان صاغية

[سعد]

السلام عليكم يا قلب الاسد
انا عازله لمدت سنه وناطره يكبر على احر من الجمر
كافي وانا اخوك هالانتظار الطويل
وآخر شي خيب املي بانه ما يقرع
غير العلف الي علفه
هذا هو التعب الي تعبت عليه